Il Prix Jeunesse 

La Sessiun federala dals giuvenils surdat mintg'onn il Prix Jeunesse ad ina persuna u ad in'organisaziun che s'engascha u ch'è s'engaschada particularmain per ils basegns da la giuventetgna. La Sessiun dals giuvenils nominescha mintg'onn trais candidatas u candidats ubain organisaziuns che vegnan en dumonda per il premi ambulant – il scalin stat simbolicamain per il veto da la giuventetgna ed ils nums da las victuras e dals victurs èn engravads sin il sochel. L'assamblea plenara da la Sessiun dals giuvenils decida tgi che gudogna il premi.

Decisiv per la nominaziun èn dus differents facturs:

  1. la qualitad, la quantitad e l'actualitad da l'engaschi politic en favur da la giuventetgna
  2. la congruenza cun las finamiras e las pretensiuns da la Sessiun federala dals giuvenils

Has ti in'idea tgi che fiss adattà per il Prix Jeunesse? Nus prendain gugent encunter propostas via e-mail a pj@jugendsession.ch.