Il comité d'organisaziun

Il comité d'organisaziun da la Sessiun dals giuvenils sa cumpona da 20 giuvenils che s'engaschan voluntarmain. Els derivan da tut la Svizra ed han 17 fin 25 onns, tuttas e tuts han participà antruras a la Sessiun dals giuvenils. Il comité d'organisaziun planisescha il program accumpagnant, organisescha ils albierts e l'alimentaziun, prepara ils temas per las discussiuns en gruppa ed entra en contact cun differentas politicras e differents politichers. La lavur dal comité d'organisaziun vegn repartida en differents ressorts. Las commembras ed ils commembers lavuran mintgamai independentamain per la finamira respectiva. En sesidas regularas vegnan discutads ils resultas e l'ulteriura planisaziun. Durant la fasa da planisaziun e da realisaziun dal project tgira il team da project da la Federaziun svizra da las uniuns da giuventetgna (FSUG) il comité d'organisaziun.

Grazia a lur engaschi pon ils giuvenils s'exprimer, participar e cundecider ed uschia esser burgaisas activas e burgais activs.