Il Forum

Suenter ch'èn consegnadas las differentas pretensiuns approvadas a la Chanzlia federala e surdadas a las cumissiuns correspundentas, cumenza la lavur dal Forum. Il Forum da la Sessiun dals giuvenils è responsabel per la visibilitad da las differentas pretensiuns da la Sessiun dals giuvenils. En num da la Sessiun dals giuvenils fa il Forum lavur da lobing tar las parlamentarias ed ils parlamentaris che partan ils basegns correspundents e ch'èn prontas e pronts da defender cuminaivlamain la pretensiun. Era contacts cun organisaziuns naziunalas e regiunalas en ils differents secturs èn prezius per la lavur dal Forum. Il team da project da la Federaziun svizra da las uniuns da giuventetgna (FSUG) sustegna e cusseglia ils giuvenils che fan part dal Forum.

Grazia a lur engaschi pon ils giuvenils s'exprimer, participar e cundecider ed uschia esser burgaisas activas e burgais activs.